Прапанаваць крутую ідэю, здольную змяніць свет на лакальным або глабальным узроўні, і стаць удзельнікам хакатона можна вось так:
- Зняць відэа працягласцю не больш за 1 хвіліну, у якім будзе адлюстравана ідэя, над якой вам важна папрацаваць, стварыць праект.
- Калі ў вас няма ідэі для рэалізацыі праекта, але ёсць велізарнае жаданне прыняць удзел у хакатоне, - то ваша задача зняць відэа працягласцю да 1 хвіліны, у якім вы павінны расказаць, чаму арганізатары павінны вас запрасіць.
- Запоўніць анкету (спасылка будзе пазней - заўв. рэд.) разам з вашымі законнымі прадстаўнікамі - бацькамі,апекунамі.
- Дачакацца адказу арганізатараў хакатона (званок законным прадстаўнікам).
- Сустрэцца анлайн з ментарамі праекта для абмеркавання ідэі (ментары + аўтар ідэі + законны прадстаўнік).
Хто арганізуе?
Арганізаваць форум для актыўных падлеткаў, падчас якога можна разам шукаць рашэнне той ці іншай праблемы, вырашылі некалькі настаўнікаў - удзельнікі і выпускнікі праграмы "Настаўнік для Беларусі". Адна з іх - настаўніца біялогіі і хіміі Радашковіцкай сярэдняй школы Таццяна Аляшкевіч:- Мы ўпершыню праводзім хакатон для падлеткаў. Ідэя ўзнікла ў Алены Озеравай, настаўнікц англійскай мовы і інфарматыкі, я яе падхапіла, і мы пачалі працу, у працэсе ўцягнуліся і іншыя педагогі і эксперты. Так сфармавалася каманда з 6 чалавек. З ментарамі і спонсарамі для праекта праблем не бачу. Адбіваецца тое, што мы самі не ўпершыню ўдзельнічаем у тэматычных хакатонах, дзе знайшлі нямала зацікаўленых людзей, якія, у сваю чаргу, таксама знаёмыя з немалой колькасцю такіх жа зацікаўленых людзей, гатовых дапамагчы фінансава, суправаджаць прапанаваны праект як эксперты ў той ці іншай сферы.
Як адзначае наша суразмоўніца, напрыклад, для менскіх прыватных школ такая форма працы, як хакатон, - даўно не новая, і, як паказала практыка, часцяком у выніку сумеснай працы аўтары ідэі маюць на руках падрыхтаваны праект, але не ведаюць, што з ім рабіць далей. Арганізатары UniCamp ўлічылі гэтую памылку і робяць акцэнт менавіта на экспертнае постхакатоннае суправаджэнне ідэі, яе рэалізацыі.
Што цяпер?
У найбліжэйшых планах арганізатараў - стварыць сайт, дзе будзе сабраная ўся інфармацыя аб удзельніках і іх праектах, там жа можна будзе прапанаваць уласную ідэю, запоўніўшы анкету ўдзельніка. У TikTok будуць выкладзеныя відэаролікі з прэзентацыяй ідэі, знятыя патэнцыйнымі ўдзельнікамі, а Instagram стане інфарматыўным асяроддзем, дзе арганізатары будуць тлумачыць усе магчымыя нюансы і тэорыю працы над праектамі.
- Плануем сабраць дзяцей з усёй Беларусі на 3 дні падчас зімовых канікул, хутчэй за ўсё - у першы тыдзень студзеня 2023 года, - распавядае аб фінальным пункце хакатона Таццяна Аляшкевіч.
Калі падлеткі Радашковічаў гатовыя расказаць пра сваю ідэю і працаваць над яе рэалізацыяй, Таццяна Аляшкевіч згодная быць для іх ментарам, а сайт radashkovichy.by гатовы аказаць інфармацыйную падтрымку і сачыць за развіццём і рэалізацыяй праектаў.
