"Сеяў жудасць на салі сваёй гульнёй" - як у 1924-м ў Радашковічах сустракалі драматурга і акцёра Францішка Аляхновіча

"Трэба думаць, што і Гарадок, і Краснае і Ракаў ды інш. з радасцьцю сустрэлі-б беларускі тэатр. Добра было-б, каб гэтая самая радашкоўская моладзь, калі ўжо не хапае ініцыятывы на мясцох, зрабіла-бы тэатральны аб'езд суседніх мястэчак, як ужо раз з удачай прабавала рабіць," - такую думку выказаў у газеце "Сын беларуса" ад 6 ліпеня 1924 года ўласны карэспандэнт выдання, якое амаль сто гадоў таму выходзіла ў Вільні. Вось як ён апісаў тэатральныя гастролі драматурга і акцёра Францішка Аляхновіча, якія адбыліся ў Радашковічах па ініцыятыве мясцовай моладзі.
Прыводзім скрыншот артыкула аўтара, які падпісаўся як Сц. Мул.